جموں//
حکومت نے منگل کو سول انتظامیہ کے مفاد میں چار جے کے اے ایس افسران کے تبادلے کا حکم دیا ہے۔
ایک سرکاری حکم کے مطابق، گوپال سنگھ، جے کے اے ایس، جو جنرل ایڈمنسٹریشن ڈپارٹمنٹ میں تعیناتی کے احکامات کے منتظر تھے، کو دستیاب اسامی پر کٹرا ڈیولپمنٹ اتھارٹی کے چیف ایگزیکٹو آفیسر کے طور پر تعینات کیا گیا ہے۔
رچنا شرما، جے کے اے ایس، کلکٹر‘۲۲۰ کے وی پاور ڈیولپمنٹ ڈیپارٹمنٹ، جموں کو ایک دستیاب اسامی پر تبدیل کرکے سب رجسٹرار، جموں (جنوبی) کے طور پر تعینات کیا گیا ہے۔
وشال سنگھ پریہار، جے کے اے ایس، سب رجسٹرار، وجئے پور، جو سب رجسٹرار، کٹھوعہ کا اضافی چارج رکھتے ہیں، کا تبادلہ کرکے کل وقتی بنیاد پر سب رجسٹرار، کٹھوعہ کے طور پر تعینات کیا گیا ہے۔
پون کمار گوسوامی‘ جے کے اے ایس، کلکٹر، لینڈ ایکوزیشن، ناردرن ریلوے، ادھم پور/ریاسی کو سب رجسٹرار، وجے پور کے طور پر تبدیل کر کے تعینات کیا گیا ہے۔