رام بن میں القاعدہ کا ایک کارکن گرفتار:پولیس

جموں///
جموںکشمیر پولیس نے رام بن میں مغربی بنگال سے تعلق رکھنے والے القاعدہ کے ایک کا رکن کو گرفتار کرنے کا دعویٰ کیا ہے ۔
پولیس ترجمان نے اپنے ایک بیان میں کہا کہ رام بن میں مغربی بنگال سے تعلق رکھنے والے القاعدہ کے ایک کارکن کو گرفتار کیا گیا۔انہوں نے گرفتار شدہ کی شناخت امیر الدین خان ولد مصطفی خان کے بطور کی ہے ۔
بیان کے مطابق گرفتار شدہ کی تحویل سے چینی ساخت کا ایک گرینیڈ بھی بر آمد کیا گیا۔
پولیس بیان میں کہا گیا کہ اس ضمن میں ایک کیس درج کیا گیا اور مزید تحقیقات جاری ہے۔