سرینگر//
چیف انجینئر، پاور ڈیولپمنٹ ڈیپارٹمنٹ (پی ڈی ڈی) جاوید یوسف ڈار نے ہفتہ کو کہا کہ اس موسم سرما میں۳۲۰ کے وی اے واگورہ،زینہ کوٹ‘۱۳۲ کے وی اے میربازار،وانپوہ کے کنڈکٹر اپ گریڈیشن کے ساتھ بجلی کی کٹوتیوں میں کمی آئے گی۔
ڈار نے کہا کہ اس موسم سرما میں وادی کشمیر میں گزشتہ سالوں کے مقابلے میں کم بجلی کی کٹوتی ہوگی۔
ایک مقامی خبر رساں ایجنسی ‘کشمیر نیوز سروس سے بات کرتے ہوئے، ڈار نے کہا کہ محکمہ نے سردیوں میں بجلی کی کم کٹوتی سے نمٹنے کیلئے کئی اقدامات کیے ہیں۔ انہوں نے کہا کہ اس موسم سرما میں ناگزیر کٹوتیوں کے باوجود وادی میں بجلی کی سپلائی پچھلے سالوں کے مقابلے کہیں بہتر رہے گی۔
ڈار نے کہا کہ سردیوں سے پہلے پی ڈی ڈی نے پوری وادی میں سپلائی لائنوں کا معائنہ کیا تھا۔ خراب لائنوں کی مرمت کی گئی، زنگ آلود کھمبوں کو تبدیل کیا گیا اور دیگر ضروری کام کیے گئے۔
چیف انجینئر کاکہنا تھا کہ ۳۲۰ کے وی اے واگورہ،زینہ کوٹ‘۱۳۲ کے وی اے میربازار،وانپوہ کے کنڈکٹر اپ گریڈیشن سے اس سال بڑے پیمانے پر بجلی کی غیر شیڈول کٹوتیوں سے نمٹا جائیگا اور کٹوتیوں میں کمی آئے گی۔
ڈار نے زور دے کر کہاانہوں نے کہا کہ پی ڈی ڈی نے اس موسم سرما میں تمام ضلعی ہیڈکوارٹرز میں کھمبوں اور ٹرانسفارمرز کے سٹاک کو یقینی بنایا ہے تاکہ کسی بھی صورت حال سے نمٹنے کے لیے۔
پی ڈی ڈی چیف انجینئر نے مزید کہا’’ہم نے اضلاع میں کھمبے، ٹرانسفارمرز اور دیگر ضروری برقی پرزہ جات اور سازوسامان بھیجے ہیں اور انہیں ہدایت کی ہے کہ وہ ضروری سامان استعمال کریں‘‘۔
قابل ذکر بات یہ ہے کہ وادی اس موسم سرما میں بجلی کی مسلسل کٹوتی کا مشاہدہ کر رہی ہے، جس سے صارفین کو بری طرح سے نقصان اٹھانا پڑ رہا ہے۔