پاک چین مشترکہ بیان میں کشمیر کا تذکرہ مسترد کرتے ہیں:باگچی

نئی دہلی/۳ نومبر
ہندوستان نے جمعرات کو پاکستان کے وزیر اعظم شہباز شریف کے بیجنگ کے دورے کے دوران چین اور پاکستان کے مشترکہ بیان میں جموں و کشمیر کے حوالے کو مسترد کر دیا۔
وزارت خارجہ کے ترجمان ارندم باگچی نے کہا کہ حوالہ جات ’غیرضروری‘ ہیں اور ہندوستان نے مسلسل ایسے بیانات کو مسترد کیا ہے۔انہوں نے کہا کہ جموں و کشمیر اور لداخ کے مرکز کے زیر انتظام علاقے ہندوستان کا اٹوٹ اور ناقابل تنسیخ حصہ ہیں اور رہیں گے۔
چین،پاکستان اقتصادی راہداری کے بارے میں، باگچی نے کہا کہ بھارت نے چین اور پاکستان کو مسلسل ’احتجاج اور تحفظات‘سے آگاہ کیا کیونکہ اس میں ہندوستان کے ’خودمختار علاقے‘ میں منصوبے شامل ہیں۔
باگچی نے کہا کہ ہم اس علاقے میں جمود کو تبدیل کرنے کے لیے اس طرح کے پروجیکٹوں کو استعمال کرنے کی کسی بھی کوشش کو مسترد کرتے ہیں۔
یہ مشترکہ بیان شریف اور چینی صدر شی جن پنگ کے درمیان بات چیت کے بعد جاری کیا گیا۔ (ایجنسیاں)