سرینگر//
محکمہ موسمیات نے وادی کشمیر میں اگلے دو دنوں کے دوران موسم مجموعی طور پر خشک رہنے کی پیش گوئی کر دی ہے ۔
متعلقہ محکمے کے ایک ترجمان نے بتایا کہ وادی کشمیر میں اگلے دو دنوں کے دوران موسم مجموعی طور پر خشک رہنے کا امکان ہے ۔انہوں نے کہا تاہم بعد ازاں موسم کروٹ بدل سکتا ہے جس کے نتیجے میں برف وباراں متوقع ہے ۔
ترجمان کا کہنا تھا’’بعد میں۵سے۸نومبر تک وادی میں کہیں کہیں ہلکی سے درمیانی درج کی برف باری یا بارشوں کا امکان ہے ‘‘۔انہوں نے کہا کہ وادی میں فی الوقت موسم بڑے پیمانے پر خراب ہونے کا کوئی امکان نہیں ہے ۔
وادی میں گذشتہ چوبیس گھنٹوں کے دوران پہاڑی علاقوں میں کہیں کہیں ہلکی برف باری ہوئی جبکہ میدانی علاقوں میں ہلکی بارشیں ہوئیں۔
سرینگر میں گزشتہ چوبیس گھنٹوں کے دوران۲ء۰ملی میٹر بارش ریکارڈ ہوئی ہے جبکہ قاضی گنڈ میں بھی۲ء۰ملی میٹر‘پہلگام میں۹ء۷ملی میٹر اور گلمرگ میں۰ء۳ ملی میٹربارش ریکارڈ ہوئی ہے ۔
ادھر وادی میں شبانہ درجہ حرارت میں ایک بار پھر کمی واقع ہوئی ہے ۔
دارلحکومت سری نگر میں کم سے کم درجہ حرارت۰ء۵ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۶ء۲ڈگری سینٹی گریڈ کم ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی۰ء۱ڈگری سینٹی گریڈ ریکارڈ کیا گیا جو معمول سے۷ء۲ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۲ء۰ڈگری سینٹی گریڈ ریکار ڈکیا گیا جو گذشتہ شب کے درجہ حرارت سے۸ء۵ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۱ء۵ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۳ء۱ڈگری سینٹی گریڈ کم ریکرڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۰ء۳ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۰ء۵ڈگری سینٹی گریڈ ریکارڈ کم ریکارڈ ہوا تھا۔
دریں اثنا وادی میں بدھ کوصبح سے ہی موسم خشک رہا اور ہلکی دھوپ بھی چھائی رہی۔لوگوں کو پارکوں، دکان تھڑوں اور صحنوں میں ہلکی سے دھوپ سے لطف اندوز ہوتے ہوئے دیکھا گیا۔