سرینگر//
جموں و کشمیر حکومت نے منگل کو جے کے اے ایس کے پانچ افسران کے تبادلے کا حکم دیا۔
ایک سرکاری حکم نامے کا حوالہ دیتے ہوئے ایک مقامی خبر رساں ایجنسی نے اطلاع دی ہے کہ کسم بدیال، جے کے اے ایس، محکمہ صنعت و تجارت کی سکریٹری کو اے آر آئی اور ٹریننگ ڈیپارٹمنٹ میں سکریٹری کے طور پر تعینات کیا گیا ہے۔
نیتو گپتا، جے کے اے ایس، ایڈیشنل کمشنر، اسٹیٹ ٹیکسز (ایڈمنسٹریشن اینڈ انفورسمنٹ)، جموں کا تبادلہ کرکے انہیں محکمہ خزانہ میں سیکریٹری کے طور پر تعینات کیا گیا ہے۔
نمرتا ڈوگرا، جے کے اے ایس، ڈپٹی کمشنر، اسٹیٹ ٹیکسز (ریکوری)، جموں کو تبدیل کرکے ایڈیشنل کمشنر، اسٹیٹ ٹیکس (ایڈمنسٹریشن اینڈ انفورسمنٹ)، جموں تعینات کیا گیا ہے۔
کیول کرشن، جے کے اے ایس، حکومت، صنعت و تجارت کے محکمہ کے ایڈیشنل سکریٹری کو تبدیل کرکے جنرل منیجر، ڈی آئی سی، ڈوڈا کے طور پر تعینات کیا گیا ہے۔
ممتا دیوی، جے کے اے ایس، پرسنل آفیسر، ایسوسی ایٹڈ ہاسپٹل جموں کو تبدیل کرکے حکومت، صنعت اور کامرس ڈپارٹمنٹ میں ایڈیشنل سیکریٹری تعینات کیا گیا ہے۔