بھدرواہ//
جموں کشمیر کے ڈوڈہ ضلع میں ہفتہ کو کشتواڑبٹوٹ روڈ پر پل ڈوڈہ کے نزدیک دریائے چناب میں گرنے سے ایک خاتون کی موت ہو گئی اور دوسری زخمی ہو گئی۔
ایس ایس پی ڈوڈہ عبدالقیوم نے بتایا کہ حادثہ اس وقت پیش آیا جب خاتون ڈرائیور ریورس گیئر کے دوران کار پر سے کنٹرول کھو بیٹھی اورکار دریائے چناب میں گر گئی۔
ایس ایس پی نے مزید کہا’’دونوں خواتین کو جی ایم سی ڈوڈہ منتقل کیا گیا، جہاں ڈاکٹروں نے ان میں سے ایک کو مردہ قرار دیا‘‘۔
رپورٹس میں بتایا گیا ہے کہ گاڑی میں سوار دونوں افراد کو گاڑی سے باہر ایک ڈھلوان پر گر گئیں جس کے بعد ان کی کار چناب میں گر گئی۔
فوت ہوئی خاتون کی شناخت سلمیٰ بانو (۲۷) دختر شیر محمد ساکن شیوا ڈوڈہ کے طور پر کی گئی ہے۔ زخمی، جس کا جی ایم سی ڈوڈہ میں علاج چل رہا ہے، کی شناخت سمیرا بیگم (۳۵) بیوی اعزاز احمد کے طور پر ہوئی ہے۔
دریں اثنا جموںکشمیر کے ضلع پونچھ کے منڈی علاقے میں ہفتے کی صبح ایک ٹریکٹر ٹرالی کھائی میں جا گرنے سے دو افراد زخمی ہوگئے ۔
سرکاری ذرائع نے بتایا کہ پونچھ کے منڈی تحصیل کے پڑی بازار علاقے میں ہفتے کی صبح ایک ٹریکٹر ٹرالی ایک کھائی میں جا گری جس کے نتیجے میں دو افراد زخمی ہوگئے ۔
زخمیوں کی شناخت راول احمد ولد محمد اکبر خان اور ارشد خان ولد محمد طارق خان ساکنان متنوت منڈی کے بطور ہوئی۔
ذرائع نے کہا کہ زخمیوں کو علاج و معالجے کیلئے فوری طور پر بی ایس ایف کی ایک ایمبولنس میں نزدیکی ہسپتال منتقل کیا گیا جہاں سے ان کو ضلع ہسپتال پونچھ ریفر کیا گیا۔
دریں اثنا شمالی کشمیر کے بارہمولہ ضلع کے اوڑی علاقے میں آج شام سڑک حادثے میں چار خواتین اور دو بچوں سمیت نو افراد زخمی ہو گئے۔