سرینگر//
ناظم تعلیم کشمیر‘ ڈاکٹر تصدق حسین میر نے کہا ہے کہ موسمی صورتحال کو مد نظر رکھتے ہوئے سرمائی تعطیلات کا اعلان کیا جائے گا ۔
دلی پبلک اسکول اننت ناگ میں سالانہ تقریب میں شرکت کے بعد میڈیا سے بات کرتے ہوئے ناظم تعلیم نے کہا کہ موسمی صورتحال کے مد نظر ہی سرمائی تعطیلات کا فیصلہ لیا جائے گا ۔ انہو ں نے کہا کہ فی الحال تعلیمی سیشن جاری ہے اور موسم کو دیکھتے ہی سرمائی تعطیل کے بارے میں حمتی فیصلہ لیا جائیگا ۔
ڈاکٹر تصدق نے کہا کہ اسکولوں میں ہر ماہ کی ۲۶تاریخ کو والدین اور اساتذہ کی میٹنگ رکھی گئی ہے تاکہ آپسی تال میل کو بڑھایا جائے اور ساتھ ہی بچوں کی مجموعی کارکردگی کا بھی جائزہ لیا جائے ۔