جموں//
جموںکشمیر کے ضلع اُدھم پور میں گرنائی ناکہ پوائنٹ پر ٹینکر نے موٹر سائیکل کو ٹکر ماری جس وجہ سے جواں سال نوجوان کی برسر موقع ہی موت واقع ہوئی جبکہ اُس کی ماں کو نازک حالت میں ہسپتال منتقل کیا گیا۔
ذرائع نے بتایا کہ آس پا س موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا تاہم ڈاکٹرو نے ۲۱سالہ انکوش شرما ولد بنسی لال ساکن ٹکری کو مردہ قرار دیا ۔
معلوم ہوا ہے کہ حادثے میں متوفی کی ماں سنیتا دیوی زوجہ بنسی لال شدید طورپر زخمی ہوئی اور اُس کو ضلع ہسپتال ادھم پور منتقل کیا گیا۔
پولیس نے ٹینکر ڈرائیو رکو حراست میں لے کر مزید تحقیقات شروع کی ۔
اس دوران سرینگر جموں شاہراہ پر رامسو کے نزدیک دو گاڑیوں کے درمیان ٹکر ہوئی جس کے نتیجے میں آٹھ افراد زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ جمعے کے روز سرینگر جموں شاہراہ پر رامسو کے نزدیک ٹرک اور مسافر بردار گاڑی کے درمیان ٹکر ہوئی جس وجہ سے آٹھ مسافر زخمی ہوئے ۔انہوں نے بتایا کہ آس پا س موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا جہاں پر ایک کی حالت نازک بنی ہوئی ہے ۔
زخمیوں کی شناخت مدثر احمد ، نذیر احمد ، رائیس احمد ، فاروق حمد ، وسیم احمد ، نصیر احمد اور شکیل احمد کے بطور ہوئی ہے ۔پولیس نے معاملے کی نسبت کیس درج کرکے مزید تحقیقات شروع کی ۔