ویسٹ انڈیز کے سابق کپتان ڈیرن سیمی نے پاکستان اور زمبابوے کے میچ کے نتائج پر ردعمل دیا ہے۔سماجی رابطے کی ویب سائٹ ٹوئٹر پر ڈیرن سیمی نے لکھا کہ صبح اٹھنے کے بعد بھی میں حیران ہوں کہ جس طرح زمبابوے نے رنز کا دفاع کیا۔
ڈیرن سیمی نے لکھا کہ پاکستان کے خلاف رنز کا دفاع زمبابوے ٹیم کے مضبوط ارادوں کی وجہ سے ممکن ہوا۔انہوں نے مزید لکھا کہ زمبابوے کی ٹیم میں اسٹارز نہیں لیکن گزشتہ رات وہ اسٹار ٹیم کی طرح کھیلی۔
ڈیرن سیمی نے میچ کے نتیجے سے متعلق لکھا کہ زمبابوے جیت کی مستحق تھی۔واضح رہے کہ گزشتہ روز ٹی ٹوئنٹی ورلڈکپ 2022 میں گروپ ٹو کے اہم میچ میں زمبابوے نے پاکستان کو سنسنی خیز مقابلے کے بعد ایک رن سے شکست دی تھی۔