جموں سڑک حادثے میں۲۰مسافر زخمی

جموں//
جموںکشمیر کی سرمائی راجدھانی جموں کے چوکی چھورا علاقے میں مسافر بردار گاڑی کو حادثہ پیش آیا جس وجہ سے۲۰؍افراد زخمی ہوئے ۔
سرکاری ذرائع نے بتایا کہ راجوری سے جموں کی طرف آرہی ایک مسافر بردار گاڑی چوکی چھورا کے نزدیک ڈرائیور کے قابو سے باہر ہو کر سڑک پر الٹ گئی جس وجہ سے اُس میں سوار۲۰مسافر زخمی ہوئے ۔
معلوم ہوا ہے کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا جہاں پر کئی ایک کی حالت نازک بنی ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی۔