کانگریس نے رشی سنک پر چدمبرم کے تبصرے سے پرہیز کیا

نئی دہلی// کانگریس نے مسٹر پی چدمبرم کے اس بیان پر تبصرہ کرنے سے گریز کیا ہے کہ اگر مسٹر رشی سنک برطانیہ کے وزیر اعظم بنتے ہیں تو ہندوستان کو اقلیتوں کے معاملے میں سبق سیکھنا چاہئے ۔
کانگریس کے میڈیا ڈپارٹمنٹ کے سربراہ جے رام رمیش نے منگل کو ایک پریس کانفرنس میں صحافیوں سے کہا کہ آپ اس بارے میں جو بھی سوال پوچھنا چاہتے ہیں مسٹر چدمبرم سے ہی پوچھیں۔ انہوں نے یہ بیان کیوں دیا اس کا جواب وہ دیں گے ۔
مسٹر رمیش نے کہاکہ "ان سے پوچھیں، میں ہندوستان جوڑو یاترا کی بات کر رہا ہوں۔ میں اس پر تبصرہ نہیں کروں گا جو کسی اور نے کہا ہے ۔ میں نے بھی نہیں دیکھا کہ انہوں نے کیا کہا۔ میں صرف ہندوستان جوڑو یاترا پر بات کروں گا۔ میں کسی اور کے بیان پر کچھ نہیں کہوں گا۔’’
مسٹر چدمبرم نے کہاکہ "پہلے کملا ہیرس، اب رشی شونک بالترتیب امریکہ اور برطانیہ کے عوام نے اپنے ملکوں کے غیر اکثریتی شہریوں کو گلے لگایا اور انہیں حکومت کے اعلیٰ عہدوں پر منتخب کیا۔ مجھے لگتا ہے کہ ہندوستان اور اکثریت پسندی کی پیروی کرنے والی جماعتوں کو سبق سیکھنا ہے ۔”