سسیکس//ہندوستانی بلے باز چیتشور پجارا نے انگلینڈ کے 2023 گھریلو کرکٹ سیزن کے لیے ایک بار پھرسسیکس کلب کے ساتھ معاہدہ کیا ہے۔
سسیکس کاؤنٹی کرکٹ کلب نے پیر کو یہ اطلاع دی۔ پجارا نے گزشتہ سال سسیکس سے جڑنے کے بعد کاؤنٹی چیمپئن شپ میں 109.4 کی اوسط سے 1000 رنز اور تین ڈبل سنچریاں اسکور کیں۔ پجارا نے 50 اوور کے کرکٹ میں بھی اپنی شاندار کارکردگی کو جاری رکھا اور رائل لندن کپ میں زخمی ٹام ہینس کی غیر موجودگی میں ٹیم کی کپتانی کی۔ انہوں نے سسیکس کو سیمی فائنل تک پہنچایا، جبکہ پجارا نے نو اننگز میں 111.62 کے اسٹرائیک ریٹ اور 89.14 کی اوسط کے ساتھ 624 رنز بنائے۔ پجارا کا ٹورنامنٹ میں سب سے زیادہ اسکور 174 تھا جو انہوں نے صرف 131 گیندوں میں بنایاتھا۔
پجارا نے سسیکس کے ساتھ اپنے معاہدے کی توسیع کے بعد کہا، "میں 2023 سیزن کے لیے سسیکس کے ساتھ واپسی پر بہت خوش ہوں۔ میں نے گزشتہ سیزن میں میدان کے اندر اور باہر کلب کے ساتھ اپنے آخری وقت کا بھرپور لطف اٹھایا۔ میں آنے والے سال میں ٹیم کی ترقی اور کامیابی میں تعاون کے لئے پرجوش ہوں۔”