کرگل/24 اکتوبر
وزیر اعظم نریندر مودی نے پیر کو کہا کہ ہندوستان نے ہمیشہ جنگ کو آخری حربے کے طور پر دیکھا ہے، لیکن مسلح افواج کے پاس طاقت اور حکمت عملی ہے کہ وہ کسی بھی شخص کو منہ توڑ جواب دے سکتی ہے جو قوم پر نظر ڈالتا ہے۔
دیوالی کے موقع پر یہاں مسلح افواج سے خطاب کرتے ہوئے، وزیر اعظم نے 1999 میں کرگل تنازعہ کے بعد اس سرحدی علاقے کے اپنے دورے کو بھی یاد کیا جب ہندوستانی فوج نے’دہشت گردی کو کچل دیا تھا‘۔
مودی نے کہا ”پاکستان کے ساتھ ایک بھی جنگ نہیں ہوئی جب کرگل نے فتح کا جھنڈا نہ لہرایا ہو“۔ انہوں نے مزید کہا کہ دیوالی’دہشت گردی کے خاتمے کے جشن‘ کی علامت ہے۔
وزیر اعظم نے کہا” میں نے کرگل جنگ کو قریب سے دیکھا ہے۔ یہ میرا فرض تھا جو مجھے اس وقت کرگل واپس لے آیا تھا۔ اس وقت کی بہت سی یادیں ہیں جب چاروں طرف فتح کی آوازیں گونج رہی تھیں۔ ملک کی سرحدوں پر دیوالی منانا“۔
مودی نے کہا”کرگل میں، ہماری مسلح افواج نے دہشت گردی کو کچل دیا تھا اور لوگ اب بھی دیوالی کو یاد کرتے ہیں جو اس وقت منائی گئی تھی“۔
بتادیں کہ وزیر اعظم پیر کی صبح دیوالی کا تہوار فوجی جوانوں کے ساتھ منانے کے لئے کرگل پہنچے ۔
مودی نے فوجی جوانوں سے اپنے خطاب کے دوران کہا”آپ اب برسوں سے میرے خاندان کا حصہ ہیں اور کرگل میں بہادر جوانوں کے ساتھ دیوالی منانا میرے لئے اعزاز ہے “۔
وزیر اعظم کا کہنا تھا”فورسز بھارت کے تحفظ کا ایک ستون ہیں، میں اس کرگل کی فتح یاب سرزمین سے ملک کے عوام اور دنیا کو دیوالی کے تہوار کی مبارکباد پیش کرتا ہوں“۔
بتادیں کہ وزیر اعظم نریندر مودی سال 2014 میں اقتدار سنبھالنے کے بعد دیوالی کا تہوار مختلف علاقوں میں فوجی جوانوں کے ساتھ مناتے ہیں۔انہوں نے سال2019 میں جموں و کشمیر کے ضلع راجوری میں لائن آف کنٹرول پر فوجی جوانوں کے ساتھ دیوالی کا تہوار منایا۔
