۲۲؍اکتوبر سے روز گار میلہ ‘۱۰ لاکھ نوکریاں فراہم ہوں گی

نئی دہلی//
وزیراعظم‘نریندر مودی۲۲؍اکتوبر کوے۱۰لاکھ عملے کے لئے بھرتی میلہ ے کا آغاز کریں گے ۔ اس تقریب کے دوران ۷۵ہزار نئی تقرریاں کی جائیں گی اور تقرر کئے گئے لوگوں کو تقرری نامہ حوالے کیا جائے گا۔
اس موقع پر وزیراعظم ان لوگوں سے خطاب بھی کریں گے ۔
یہ وزیراعظم کے مسلسل عہد اور عزم کو پورا کرنے کے تئیں ایک خاطر خواہ قدم ہوگا، تاکہ نوجوانوں کو روز گار کے مواقع فراہم کئے جاسکیں اور شہریوں کی فلا ح وبہبود کو یقینی بنایا جاسکے ۔
وزیراعظم کی ہدایات کے مطابق تمام وزارتیں اور محکمے مشن موڈ میں خالی اسامیوں کی جگہ منظور شدہ اسامیوں کو پُر کرنے کیلئے کام کر رہی ہیں۔
جن لوگوں کی نئی بھرتیاں کی گئی ہیں، انہیں ملک بھر سے منتخب کیا گیا ہے اور وہ ہندوستان کی حکومت کے۳۸محکموں اور وزارتوں میں کام کریں گے ۔ نئے تقرر کئے گئے لوگ مختلف سطحوں پر حکومت میں کام کاج سنبھالیں گے ۔
گروپ اے ، گروپ بی (گزیٹیڈ)، گروپ بی (نان گزیٹیڈ) اور گروپ سی میں یہ لوگ مختلف سطحوں پر حکومت کی ذمہ داری سنبھالیں گے ۔ جن اسامیوں پر ان لوگوں کی تقرری کی جارہی ہے ، ان میں مرکزی مسلح فورس کا عملہ، سب انسپکٹر، کانسٹبل، ایل ڈی سی، اسٹینو، پی اے ، انکم ٹیکس انسپکٹر، ایم ٹی ایس اور دیگر شامل ہیں۔
یہ تقرریاں یا تو خود وزارتوں اور محکموں کے ذریعہ یا یوپی ایس سی، ایس ایس سی، ریلوے بھرتی بورڈ کے ذریعہ مشن موڈ میں کی جارہی ہیں۔ تیزی سے بھرتی کے لئے انتخاب کے عمل کو آسان کیا گیا ہے اوربھرتی کے عمل کو تیز کرنے کیلئے تکنیکی عمل کو اختیار کیا گیا ہے ۔