سرینگر/16اکتوبر
کشمیری پنڈت کی ہلاکت کے شوپیاں میں اتوار کی شام لوگوں نے کینڈل لائٹ مارچ نکالاجس میں نوجوان کی ایک بڑی تعداد نے شرکت کی۔
اطلاعات کے مطابق اتوار کی شام شوپیاں میں ضلع انتظامیہ ، پولیس اور مقامی لوگوں کی ایک بڑی تعداد نے شہری ہلاکتوں کے خلاف کینڈل لائٹ مارچ نکالا۔
معلوم ہوا ہے کہ منی سیکریٹریٹ شوپیاں سے جامع مسجد تک ایک پُر امن جلوس نکالا گیا جس دوران لوگوں نے کشمیری پنڈت کی ہلاکت کو ناقابل برداشت قرار دیا ۔
نامہ نگار نے بتایا کہ کینڈل لائٹ مارچ میں سینکڑوں کی تعداد میں لوگوں نے شرکت جو کشمیری پنڈت کی ہلاکت پر شدید برہمی کا اظہار کررہے تھے ۔
بتادیں کہ شوپیاں کے چودھری گنڈ علاقے میں ہفتے کے روزپولیس کے مطابق ملی ٹینٹوں نے پورن کرشن نامی کشمیری پنڈت پر نزدیک سے گولیاں چلائیں جس وجہ سے اُس کی برسر موقع ہی موت واقع ہوئی۔
کشمیر پنڈت کی ہلاکت کے خلاف وادی کے لوگوں میں شدید غم وغصہ پایا جارہا ہے او رملوثین کو جلدازجلد کیفر کردار تک پہنچانے کا عوامی مطالبہ زور پکڑتا جارہا ہے ۔
