بھارت چین سفارتی مذاکرات میں کوئی پیش رفت نہیں

نئی دہلی//
وزارت خارجہ کاکہنا ہے کہ ہندوستان اور چین نے جمعہ کو مشرقی لداخ میں بقیہ مسائل کو حل کرنے اور دو طرفہ تعلقات میں معمول کی بحالی کیلئے حالات پیدا کرنے کیلئے فوجی سطح کے مذاکرات کا اگلا دور جلد منعقد کرنے پر اتفاق کیا۔
ہندوستان،چین سرحدی امور پر مشاورت اور رابطہ کاری کے ورکنگ میکانزم کی میٹنگ میں یہ واحد فیصلہ تھا کیونکہ ڈیمچوک اور ڈیپسانگ کے کلیدی اختلافی مقامات پر مسائل کو حل کرنے میں کوئی پیش رفت نہیں ہوئی۔
وزارت خارجہ نے کہا کہ دونوں فریقوں نے بقیہ مسائل کو’جلد سے جلد‘ حل کرنے کے لیے سفارتی اور فوجی چینلز کے ذریعے بات چیت جاری رکھنے پر اتفاق کیا تاکہ دو طرفہ تعلقات میں معمول کی بحالی کے لیے حالات پیدا کیے جا سکیں۔
ایک بیان میں وزارت خارجہ نے کہا ’’موجودہ دوطرفہ معاہدوں اور پروٹوکول کے مطابق مغربی سیکٹر میں ایل اے سی کے ساتھ باقی مسائل کے حل کے مقصد کو حاصل کرنے کے لئے، انہوں نے سینئر کمانڈروں کی میٹنگ کا اگلا (۱۷واں) دور جلد ہی منعقد کرنے پر اتفاق کیا‘‘۔
اگرچہ دونوں فریقین گزشتہ ماہ پیٹرولنگ پوائنٹ۱۵ (پی پی ۱۵) سے دست بردار ہوئے تھے‘ لیکن ڈیمچوک اور ڈیپسانگ علاقوں میں تعطل کو حل کرنے پر کوئی پیش رفت نہیں ہوئی ہے۔
وزارت خارجہ نے کہا کہ دونوں فریقوں نے ہندوستان،چین سرحدی علاقوں کے مغربی سیکٹر میں لائن آف ایکچوئل کنٹرول (ایل اے سی) کے ساتھ صورتحال کا جائزہ لیا۔
میٹنگ میں ہندوستانی فریق کی قیادت وزارت میں جوائنٹ سکریٹری (مشرقی ایشیا) ڈاکٹر شلپک امبولے نے کی اور چینی فریق کی قیادت چینی وزارت خارجہ میں سرحدی اور سمندری محکمہ کے ڈائریکٹر جنرل ہانگ لیانگ نے کی۔
میٹنگ میں دونوں اطراف نے ہندوستان،چین سرحدی علاقے کے مغربی سیکٹر پر ایل اے سی پر صورتحال کا جائزہ لیا گیا۔
اس سال مئی میں ڈبلیو ایم سی سی کے۲۴ویں اجلاس کے بعد ہونے والی پیش رفت پر تبادلہ خیال کرتے ہوئے انہوں نے گوگرہ ہاٹ اسپرنگس (پی پی۱۵)سے۸اور۱۲ستمبر کے درمیان فورسز کے مرحلہ وار انخلاء کا خیرمقدم کیا۔ انہوں نے تسلیم کیا کہ یہ اقدامات وزیر خارجہ ایس جے شنکر اور چین کے اسٹیٹ کونسلر اور وزیر خارجہ وانگ یی کے درمیان سمجھوتہ کی عکاسی کرتے ہیں۔
ملاقات میں فریقین نے ایل اے سی پر باقی ماندہ مسائل کے جلد حل کیلئے سفارتی اور عسکری سطح پر بات چیت جاری رکھنے پر اتفاق کیا تاکہ دوطرفہ تعلقات کو معمول پر لایا جا سکے ۔ اس تناظر میں دونوں فریقین نے جلد از جلد ۱۷ویں سینئر کمانڈر سطح کی میٹنگ بلانے پر اتفاق کیا۔