چنانی ناشری ٹنل کے اندر حادثہ‘ موٹر سائیکل سوارہلاک

جموں//
سرینگر جموں شاہراہ پرقائم چنانی ناشری ٹنل کے اندر حادثہ پیش آیا جس کے نتیجے میں موٹر سائیکل سوار برسر موقع ہی از جان ہوا جبکہ اُس کا ساتھی شدید طورپر زخمی ہوا ہے ۔
اطلاعات کے مطابق جمعرات کی سہ پہر کو چنانی ناشری ٹنل کے اندر موٹر سائیکل کو حادثہ پیش آیا جس وجہ سے اُس پر سوار دو افراد شدید طورپر زخمی ہوئے ۔
معلوم ہوا ہے کہ حادثے کی اطلاع ملتے ہی ریسکیو ٹیم جائے موقع پر پہنچی اور زخمیوں کوعلاج ومعالجہ کی خاطر نزدیکی ہسپتال منتقل کیا تاہم ڈاکٹروں نے موٹر سائیکل سوار کو مردہ قرار دیا جبکہ اُس کے ساتھی کی حالت تشویشناک بنی ہوئی ہے ۔
متوفی کی شناخت ہرمیت سنگھ ولد ترلوک سنگھ ساکن چھٹی سنگھ پورہ اننت ناگ اور زخمی کی پہچان ترندیپ سنگھ ولد گردیش سنگھ ساکن چھانی جموں کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی۔