کرائسٹ چرچ// پاکستان نے محمد رضوان (69) اور بابر اعظم (55) کی نصف سنچریوں کے بعد محمد نواز (ناٹ آؤٹ 45) کی دھماکہ خیز اننگز کی بدولت جمعرات کے روز بنگلہ دیش کو سہ فریقی ٹی20 سیریز میں سات وکٹوں سے شکست دے کر فائنل میں جگہ بنالی بنگلہ دیش نے پاکستان کو 174 رنوں کا ہدف دیا تھا جسے بابر کی ٹیم نے ایک گیند پہلے ہی حاصل کر لیا۔
ہدف کا تعاقب کرتے ہوئے رضوان اور بابر نے پہلے وکٹ کے لیے 101 رنوں کی شراکت کی۔ جب پاکستان کو سات اوورز میں 73 رنز درکار تھے تو کریز پر آنے والے محمد نواز نے 20 گیندوں پر 45 رنز بنائے اور آخری اوور کی پانچویں گیند پر چوکا لگا کر پاکستان کو جیت دلادی۔
اس جیت کے ساتھ ہی پاکستان فائنل میں پہنچ گیا ہے جبکہ بنگلہ دیش ٹی ٹوئنٹی انٹرنیشنل میں مسلسل چھٹی شکست کے ساتھ ٹورنامنٹ سے باہر ہو گیا۔ پاکستان اور نیوزی لینڈ کے درمیان فائنل جمعہ کو کھیلا جائے گا، جس کے بعد تمام ٹیمیں آئی سی سی ٹی ٹوئنٹی ورلڈ کپ کے لیے آسٹریلیا روانہ ہو جائیں گی۔