حارث رئوف کو بریک کی ضرورت ہے ، وسیم اکرم کی فاسٹ بائولر کو مستقل کھلانے پر تنقید

کراچی//
پاکستانی ٹیم کے سابق کپتان وسیم اکرم نے فاسٹ بولر حارث رؤف کو مستقل کھلانے پر تنقید کرتے ہوئے کہاہے کہ حارث رئوف کو بریک کی ضرورت ہے ۔
نجی ٹی وی سے گفتگو کرتے ہوئے وسیم اکرم کا کہنا تھا کہ اتنے میچز کھلا کر حارث رؤف کو توڑنا ہی حارث رؤف نے اتنی گرمی میں سارا ایشیا کپ کھیلا، پھر انگلینڈ کے خلاف سیریز میں کراچی میں ان سے سارے میچز کھلوائے گئے انھیں بریک کی ضرورت ہے ، ورلڈکپ تک آپ کے بولرز میں جان رہنا بھی ضروری ہے۔
حارث رؤف کو بریک دینے کی صورت میں حل بتاتے ہوئے وسیم اکرم نے کہا کہ جو بھی بولر اسکواڈ میں ہے ،آپ کو اس کو کھلانا ہوگا کیوں کہ یہ روٹیشن ضروری ہے۔سابق کپتان نے کہاکہ اگرچہ ٹی ٹوئنٹی کی7 میچز جو کہ صرف دِکھنے میں 20 اوور کے ہیں لیکن یہ میچز بغیر بریک کے بہت تیز گیم ہے۔وسیم اکرم نے کہاکہ ٹی ٹوئنٹی میچ میں کھلاڑی کو ہر اوور میں بھاگنا ہوتا ہے، بیٹنگ میں فیصلے جلدی لیے جاتے ہیں یہ بہت تیز گیم ہے لہٰذا کھلاڑیوں کی روٹیشن بہت ضروری ہے۔