ناگپور//)ٹی 20انٹرنیشنل انڈین کرکٹ ٹیم نامزد فنیشر دینیش کارتک نے آسٹریلیاکے خلاف دوسرے ٹی20میچ میں ہندوستان کے لیے فتح کے رن بنانے کے بعد کہا کہ وہ ایسے حالات کے لیے خاص مشق کرتے ہیں۔آسٹریلیا نے ہندوستان کو سالوں بعد دوسرے ٹی20میچ میں ہندوستان کو 91رن کا ہدف دیا تھا، جس کا،پیچھا کرتے ہوئے ہندوستان کو آخری اوور میں نو رن کی ضرورت تھی۔ کارتک نے اوور کی پہلی گیندوں میں ہی ایک چھکا اور ایک چوکا لگا کر میچ ختم کیا اور ہندوستان کو چھ وکٹ سے جیت دلائی۔
کارتک جمعہ کو منعقد پریس کانفرنس میں کہا،”جب مجھے وقت ملتا ہے تو میں مخصوص حالاتوں کے لیے مشق کرتا ہوں۔ وکرم راٹھوڑ(بلے بازی کوچ) اور راہل دراوڑ بھی مشق کرنے کے میرے طریقے میں اور میری مدد کرتے ہیں۔ میں بہت زیادہ مشق نہیں کرتا، بلکہ اسے مخصوص رکھنے کی کوشش کرتا ہوں۔“
کارتک کے کارنامے سے پہلے کپتان روہت شرما میچ کو ہندوستان کے پلڑے میں جھکا چکے تھے۔ روہت شرما نے ہندوستان کو ہدف تک پہنچانے کے لیے 20گیندوں پر 46رن کی پری کھیلی۔“
کارتک نے کپتان کی تعریف کرتے ہوئے کہا کہ ’’روہت شرما نے شاندار بلے بازی کی۔ مجھے دو گیندیں کھیلنے کا موقع ملا اور میں نے ان میں پوری کوشش کی لیکن نئی گیند کے ٹاپ گیند بازوں کے خلاف نئی گیند پر ایسے شاٹس کھیلنا آسان نہیں ہے۔ اس سے پتہ چلتا ہے کہ روہت نہ صرف ہندوستانی کرکٹ میں بلکہ پوری کرکٹ کی دنیا میں اتنا بڑا کھلاڑی کیوں ہے۔ تیز گیند بازوں کے خلاف کھیلنے کی ان کی صلاحیت کسی سے کم نہیں ہے اور یہی انہیں خاص بناتا ہے‘‘۔
فنشر کے طور پر کارتک کی کامیابی ہندوستان کے لیے اچھی خبر ہے، وہیں ہندوستان کے دوسرے وکٹ کیپر بلے باز رشبھ پنت پر ٹیم میں اپنی جگہ برقرار رکھنے کے لیے دباؤ بڑھ رہا ہے۔ تاہم ٹیم انتظامیہ نے آٹھ اووروں کے تیز رفتار میچ میں دونوں بلے بازوں کو ٹیم میں رکھا اور الیون میں صرف چار اہم گیند بازوں کو شامل کیا گیا۔
کارتک نے صرف چار سرکردہ گیند باز رکھنے کے منصوبے پر کہا ’’رشبھ پنت کی خوبی سب کو معلوم ہے۔ وہ آج کے میچ میں بیٹنگ نہیں کر سکے لیکن ٹیم میں وہ جو کردار ادا کرتے ہیں وہ سب جانتے ہیں۔ ہمیں آج صرف چار گیند باز وں کی ضرورت تھی۔ میرے مطابق ہندوستانی ٹیم نے رشبھ کو کھیلا کر درست فیصلہ کیا۔
