جہلم میں غرقآب ہونے والے شخص کی لاش بر آمد

سرینگر//
شمالی کشمیر کے ضلع بارہمولہ میں دریائے جہلم میں غرقآب ہونے والے شخص کی لاش دو روز بعد منگل کی صبح بر آمد کی گئی۔
سرکاری ذرائع نے بتایا کہ بارہمولہ کے درنگہ بل گاؤں سے تعلق رکھنے والا۴۵سالہ رفیق احمد میر دو روز قبل دریائے جہلم میں غرقآب ہوا تھا۔
ذرائع نے کہا کہ وقعہ پیش آتے ہی بڑے پیمانے پر ریسکیو آپریشن شروع کیا گیا تھا اور منگل کی صبح لاش کو دریا سے بر آمد کیا گیا۔
ان کا کہنا تھا کہ طبی و قانونی لوازمات کی ادائیگی کے بعد لاش کو لواحقین کے سپرد کیا گیا۔
پولیس نے اس ضمن میں پہلے ہی ایک کیس درج کرکے تحقیقات شروع کی تھی۔