ثقلین مشتاق نے ٹیم کی دکھی داستان سنا دی

کراچی//
پاکستانی کرکٹ ٹیم کے ہید کوچ ثقلین مشتاق نے پاکستان کرکٹ ٹیم کی دکھی داستان سنا دی۔
دبئی میں پریس کانفرنس کرتے ہوئے ثقلین مشتاق نے کہا کہ جو لوگ باہر بیٹھے ہوتے ہیں وہ باہر کی چیزوں کو دیکھ کرتبصرہ کرتے ہیں، انہیں اندر کی چیزوں کاپتہ نہیں ہوتا۔
ثقلین مشتاق نے کہا کہ آصف علی کا ہاتھ پھٹا ہوا ہے اس کو 4 ٹانکے لگےاور شاداب خان کے کان سے خون نکلا اس کے باوجود دونوں کھلاڑی بیٹنگ کرنے کے لیے گئے۔
انہوں نے کہا کہ کون کس حالت میں ہے اس کا باہر والوں کو پتہ نہیں ہوتا، لوگ صورت حال کو جانے بغیر تبصرے شروع کر دیتے ہیں۔
پریس کانفرنس کے دوران شعیب ملک کے طنزیہ ٹوئٹ کے حوالے سے سوال کیا گیا تو ثقلین مشتاق نے ہنستے ہوئے کہا کہ خالی دو یا چار پانچ قریبی لوگوں سے یاری دوستی نہیں ہونی چاہیے، میرا ماننا ہے کہ ہم زمین پر رہتے ہیں تو کرکٹ یا کسی اور ڈپارٹمنٹ میں یاری دوستی تو ہر کسی سے ہونی چاہیے۔