سرینگر/12 ستمبر
جنوبی کشمیر کے ضلع شوپیاں کے ہف شیر مال علاقے میں سیکورٹی فورسز اور ملی ٹنٹوں کے درمیان جاری تصادم میں ایک عدم شناخت جنگجو مارا گیا۔
کشمیر زون پولیس نے ایک ٹویٹ میں کہاگیا”شوپیاں جھڑپ میں ایک جنگجو مارا گیا جبکہ آپریشن ہنوز جاری ہے“ ۔
قبل ازیں ذرائع نے بتایا کہ پولیس اور فوج کی ایک مشترکہ پارٹی نے پیر کی صبح شوپیاں کے ہف شیر مال علاقے کو محاصرے میں لے کر تلاشی آپریشن شروع کر دیا۔
ذرائع نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے ملی ٹنٹوں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔
