بجبہاڑہ میں مختصر جھڑپ میںدو مقامی جنگجو ہلاک:پولیس

سرینگر//
جنوبی ضلع اننت ناگ کے تھجوارہ بجبہاڑہ گاؤں میں چانس انکاؤنٹر کے دوران ۲مقامی جنگجو مارے گئے ۔
پولیس کے ایک ترجمان نے بتایا کہ بدھ کی سہ پہر کو تھجوارہ بجبہاڑہ میں ایک مختصر گولیوں کے تبادلے میں دو ملی ٹینٹ مارے گئے ۔
ترجمان کے مطابق جاں بحق ملی ٹینٹوں کی شناخت فیاض کمار اور اویس خان کے بطور ہوئی اور دونوں ممنوع تنظیم انصار الغزوتہ الہند کے ساتھ وابستہ تھے ۔
پولیس ترجمان نے بتایا کہ جاں بحق ملی ٹینٹ سیکورٹی فورسز پر حملوں کی منصوبہ بندی کرنے اور اُنہیں پایہ تکمیل تک پہنچانے میں پیش پیش تھے ۔
ترجمان نے بتایا کہ۳جولائی۲۰۲۲کوجاں بحق ملی ٹینٹوں نے سریگفوارہ میں سیکورٹی فورسز پر حملہ کیا جس دوران فردوس ڈار نامی پولیس اہلکار زخمی ہوا تھا۔
اُن کے مطابق۱۲؍اگست ۲۰۲۲کو دارا شکوہ پارک بجبہاڑہ گرینیڈ حملے میں بھی جاں بحق ٹینٹوں کا ہاتھ رہا ہے جبکہ ۱۵جون۲۰۲۲کو پادشاہی باغ بجبہاڑہ گرینیڈ حملے میں بھی دونوں ملوث رہے ہیں۔اُن کے مطابق تصادم کی جگہ قابل اعتراض مواد برآمد کرکے ضبط کیا گیا۔
پولیس نے اس سلسلے میں کیس درج کرکے مزید تحقیقات شروع کی۔