نئی دہلی// کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے کہا ہے کہ چھتیس گڑھ اور راجستھان میں ان کی حکومتوں نے عوام سے کئے گئے وعدوں کو پورا کیا ہے اور اب اگر ہماچل پردیش میں حکومت بنتی ہے تو وہاں بھی تمام وعدے پورے کئے جائیں گے ۔
ایک فیس بک پوسٹ میں مسٹر گاندھی نے کہا، "ہماچل پردیش کے لوگوں کے مسائل کا حل اب کانگریس پارٹی کی ‘ضمانت’ ہے ۔
کانگریس پارٹی ہمیشہ عوامی فلاح و بہبود اور ان کی ترقی کے مسائل پر بات کرتی ہے اور اس گارنٹی کارڈ میں بھی ہم نے گاؤں گاؤں جا کر ہماچل کے لوگوں کے مسائل کا جائزہ لیا، مقامی لوگوں سے بات کی اور ان کے مسائل سنے اور پھر ان کا حل تلاش کرتے ہوئے ایک ‘گارنٹی کارڈ’ تیار کیا گیا ہے ۔
ہماچل کے لوگوں سے وعدے کرتے ہوئے انہوں نے کہا، "بنیادی طور پر 10 چیزوں کی ضمانت کانگریس پارٹی دے رہی ہے ۔ پرانی پنشن اسکیم، خواتین کے لیے 1500 روپے ، بجلی کے 300 یونٹ مفت، پانچ لاکھ ملازمتیں، فصلوں اور پھلوں کی مناسب قیمت، 680 کروڑ روپے کا اسٹارٹ اپ فنڈ، موبائل کلینک، انگلش میڈیم اسکول، کانگریس حکومت گائے اور بھینسیں پالنے والوں سے ہر روز 10 لیٹر دودھ اور گائے کا گوبر دو روپے کلو خریدے گی۔ راجستھان اور چھتیس گڑھ میں ہم نے عوام سے جو وعدے کیے تھے انہیں پورا کیا۔ آنے والے وقت میں جس ریاست میں بھی ہماری حکومت بنے گی ہم اپنے وعدے پورے کریں گے ۔ اس گارنٹی کارڈ کو غور سے پڑھیں، اپنے مستقبل کے بارے میں سوچیں اور دانشمندانہ فیصلہ کریں۔ ہماچل کے لوگ اور کانگریس پارٹی ہماچل پردیش کو پھر سے آگے لے جائیں گے ۔
محترمہ واڈرا نے کہا، "کانگریس پارٹی دیو بھومی ہماچل کے لوگوں کے حقیقی مسائل سے متعلق 10 ضمانتیں ریاست کے لوگوں کو وقف کر رہی ہے ۔ ریاست کے عوام چاہتے ہیں کہ ان مسائل پر کام کرنے کی ٹھوس بات ہو۔ کانگریس پارٹی عوام کے مسائل پر کام کرنے اور ریاست کی ترقی کا عہد کرتی ہے ۔