دبئی// ہندوستانی ٹیم کے جارحانہ بلے باز اور آل راؤنڈر ہاردک پانڈیا نے ایشیا کپ 2022 میں پاکستان کے خلاف چھکا لگاکر ہندوستان کو جیت دلانے کے بعد کہا کہ اگر ٹیم کو آخری اوور میں 15 رن کی ضرورت ہوتی تو وہ کامیابی کے ساتھ اس ہدف تک پہنچ سکتے تھے۔
17 گیندوں میں 33 رن کی اننگز اور تین وکٹیں حاصل کرنے کی وجہ سے مین آف دی میچ قرار دیئے گئے پانڈیا نے کہا کہ آپ صورتحال کا جائزہ لیں اور اپنی مضبوط پہلووں کا استعمال کریں۔ چھوٹی گیند اور اچھی لینتھ کی گیند میری مضبوطی رہی ہے۔ آپ کو انہیں ٹھیک طرح سے استعمال کرتے ہوئے بلے باز سے غلطی کروانی ہوتی ہے۔
انہوں نے کہا ، اس طرح کے تعاقب میں آپ ہمیشہ اوور در اوور کی منصوبہ بندی کرتے ہیں۔ مجھے معلوم تھا کہ اب بھی ایک نوجوان گیندباز اور ایک لیفٹ آرم اسپنر باقی ہے۔ ہمیں آخری اوور میں صرف سات رنز کی ضرورت تھی لیکن اگر 15 رن بھی چاہئے ہوتے تو میرے کامیابی کے ساتھ اس ہدف کو حاصل کرسکتا تھا ۔”
پاکستان نے ہندوستان کو 20 اوورز میں 148 رنز کا ہدف دیا تھا جسے روہت شرما کی ٹیم نے پانچ وکٹوں کے نقصان پر حاصل کر لیا۔ پانڈیا جب کریز پر آئے تو ہندوستان نے 14.2 اوور میں 89 رن پر چار وکٹ گنوا دیئے تھے لیکن پانڈیا نے 194.12 کے اسٹرائیک ریٹ سے بلے بازی کرتے ہوئے ہدف کو 19.4 اوورز میں حاصل کرکے ٹیم کو شاندار جیت دلائی۔
