غلام نبی آزاد 12ستمبر کو سری نگر وارد ہونگے

سرینگر/28اگست
غلام نبی آزاد ستمبر کی 12تاریخ کو سری نگر پہنچ رہے ہیں اور یہاں پر بھی اُن کے استقبال کی بڑے پیمانے پر تیاریاں شروع کی گئی ہیں۔
کانگریس سے علیحدگی اختیار کرنے والے سابق ممبر اسمبلی محمد امین بٹ نے بتایا کہ غلام نبی ازاد 12ستمبر کو سری نگر کے دورے پر آر رہے ہیں ۔انہوں نے کہاکہ نئی پارٹی میں مین اسٹریم پارٹیوں کے متعدد لیڈران نے شمولیت اختیار کرنے کا فیصلہ کیا ہے ۔
اُن کے مطابق نئی دہلی میں غلام نبی آزاد کے ساتھ متعدد مین اسٹریم پارٹیوں کے لیڈران نے ملاقات کی اور پوری حمایت دینے کا فیصلہ کیا۔انہوں نے مزید بتایا کہ غلام نبی آزاد کی جانب سے نئی پارٹی تشکیل دینے کا جموں وکشمیر کے لوگوں نے خیر مقدم کیا ہے ۔باوثوق ذرائع نے یو این آئی اردو کو بتایا کہ سری نگر دورے کے حوالے سے پارٹی لیڈران نے تیاریاں شروع کیں ہیں۔
ذرائع کا کہنا ہے کہ چار ستمبر کو جموں دورے کے بعد غلام نبی آزاد سری نگر تشریف آور ہونگے ۔ذرائع کے مطابق جموں وکشمیر میں متعدد مین اسٹریم پارٹیوں کے لیڈران نے غلام نبی آزاد کے ساتھ رابطہ قائم کیا ، اگر چہ آزاد گروپ میں شامل ہونے کے بارے میں انہوں نے اعلان نہیں کیا ۔ لیکن ذرائع نے بتایا کہ چار ستمبر کو جموں میں ریلی کے دوران مذکورہ لیڈران باضابطہ اعلان کریں گے ۔