سنہانے جھیل ڈل میں ’ ہر گھر ترنگا ‘، ریلی کو جھنڈی دِکھا کر روانہ کیا

سرینگر//
لیفٹیننٹ گورنر منوج سِنہا نے آج سرینگر کے شہرہ آفاق جھیل ڈل میں ’ ہر گھر ترنگا‘ریلی کو جھنڈی دِکھا کر روانہ کیا۔
سنہا نے کہا ’’ ترنگا اُتسو‘‘ ملک کے نظریات اور اُمنگوں کا جشن ہے ۔ اُنہوں نے کہا کہ میں سبھی سے اپیل کرتا ہوں کہ وہ ۱۳سے۱۵؍ اگست تک اَپنے گھروں پر ترنگا لہرا کر اِس مہم میں شامل ہوں۔
ضلعی اِنتظامیہ کے’ ترنگا اُتسو‘ کے تحت سینکڑوں شکارا آزادی کے۷۵ سال کی یاد میں منائی جانے والی تقریبات کے ایک حصے کے طور پر جھیل ڈل میں ایک ساتھ مل کر قوم پرستی اور اَمن کے جذبے کی عکاسی کرتے ہیں۔
پولیس پائپ بینڈ نے ریلی کا آغاز قومی ترانہ بجا کر کیا۔
یہ بات قابل ذِکر ہے کہ ’ آزادی کا اَمرت مہااُتسو‘ کے زیر اہتمام ’’ ہر گھر ترنگا ‘‘ مہم میں لوگوں کی بھرپور شرکت دیکھنے کو مل رہی ہے۔
اِس موقعہ پر چیئرپرسن ڈی ڈی سی سری نگر شیخ آفتاب ملک ، چیف سیکرٹری ڈاکٹر ارون کمار مہتا، اے ڈی جی پی کشمیر وِجے کمار ، صوبائی کمشنر کشمیر پانڈورانگ کے پولے ،ضلع ترقیاتی کمشنر سری نگر شیخ محمد اعجاز اور دیگر سینئر اَفسران موجود تھے۔