جنوبی افریقہ کے خلاف پہلے ون ڈے میں سست اوور ریٹ پر آسٹریلیا پر جرمانہ

دبئی، 26 ستمبر (یواین آئی) انٹرنیشنل کرکٹ کونسل (آئی سی سی) نے جنوبی افریقہ کے خلاف پہلے مردوں کے ون ڈے میچ کے دوران سست اوور ریٹ پر آسٹریلیا پر میچ فیس کا پانچ فیصد جرمانہ عائد کیا ہے۔
امارات آئی سی سی ایلیٹ پینل کے میچ ریفری جواگل سری ناتھ نے یہ جرمانہ عائد کیا، کیونکہ آسٹریلیا مقررہ وقت تک ایک اوور پیچھے تھا۔ یہ میچ جمعرات کو ڈربن میں کھیلا گیا تھا۔
کھلاڑیوں اور کھلاڑی معاون عملے کے لیے آئی سی سی کے ضابطہ اخلاق کی شق 2.22، جو کم اوور ریٹ کی خلاف ورزی سے متعلق ہے، کے تحت مقررہ وقت میں اوور مکمل نہ کرنے پر کھلاڑیوں پر ان کی میچ فیس کا پانچ فیصد جرمانہ عائد کیا جاتا ہے۔
آسٹریلیا کے کپتان مچل مارش نے اپنی غلطی تسلیم کرتے ہوئے مجوزہ جرمانہ بھی قبول کرلیا، جس کے باعث باضابطہ سماعت کی ضرورت نہیں پڑی۔
میدان پر موجود امپائر آصف یعقوب اور لوبابالو گکوما، تیسرے امپائر رچرڈ ایلنگ ورتھ اور چوتھے امپائر آرنو جیکبز نے یہ الزام عائد کیا تھا۔