امریکہ نے ایران کے پانچ تیل کے ٹینکر تباہ کر دیے: سینٹ کام

واشنگٹن، 9 ستمبر (اسپوتنک/یواین آئی) امریکی سینٹرل کمانڈ (سینٹ کام) نے کہا ہے کہ ایرانی پاسدارانِ انقلاب (آئی آر جی سی) کی جانب سے مبینہ طور پر ایک امریکی جنگی جہاز پر حملہ کرنے کے بعد امریکی فوج نے ایران کے پانچ تیل کے ٹینکروں کو تباہ کر دیا ہے۔
سینٹ کام نے ایکس پر لکھا، آٹھ ستمبر کو سینٹ کام کی افواج نے ایران کے خام تیل کی منتقلی کرنے والے پانچ جہازوں کو تباہ کر دیا۔ اس سے قبل، پاسدارانِ انقلاب نے گزشتہ دو دنوں میں دو بار بیلسٹک میزائلوں سے امریکی بحریہ کے جنگی جہاز کو نشانہ بنانے کی کوشش کی تھی۔ امریکی جنگی جہاز ایران کے حملوں سے کامیابی کے ساتھ بچ نکلا اور علاقے کے سمندر میں گشت کرتا رہا۔ اس میں کسی بھی امریکی اہلکار کو کوئی نقصان نہیں پہنچا۔”
امریکی وزیرِ خارجہ مارکو روبیو نے کہا کہ اگر ایران امریکی جنگی جہازوں پر حملے جاری رکھتا ہے تو وہ اپنے مزید تیل کے ٹینکر کھو دے گا۔
کولمبیا کے دورے پر صحافیوں سے بات کرتے ہوئے مسٹر روبیو نے کہا، "معاملہ بالکل صاف اور واضح ہے کہ ایران مسلسل امریکی بحریہ کے جہازوں پر حملہ کرنے کی کوشش کر رہا ہے اور جب بھی وہ ایسا کریں گے یا ایسا کرنے کی کوشش کریں گے، تو انہیں اپنے ٹینکرز سے ہاتھ دھونا پڑے گا۔”