جموں، 3 ستمبر:
حکومتِ ہند نے اے جی ایم یو ٹی کیڈر سے تعلق رکھنے والے تین آئی اے ایس افسران کا جموں و کشمیر سے اروناچل پردیش تبادلہ کرنے کا حکم جاری کیا ہے۔ یہ تبادلے فوری اثر سے نافذ العمل ہوں گے۔
وزارتِ داخلہ (ایم ایچ اے) کی جانب سے۳ ستمبرکو جاری حکم کے مطابق مجاز اتھارٹی کی منظوری کے بعد تینوں افسران کی موجودہ تعیناتی تبدیل کردی گئی ہے۔
حکم کے مطابق محمد اعجاز، آئی اے ایس (اے جی ایم یو ٹی۲۰۱۲)، ہروِندر سنگھ، آئی اے ایس (اے جی ایم یو ٹی۲۰۱۹)، اور شیشیر گپتا، آئی اے ایس (اے جی ایم یو ٹی۲۰۲۰) کو جموں و کشمیر سے منتقل کرکے اروناچل پردیش میں تعینات کیا گیا ہے۔
کارتیویہ بھون-۳، نئی دہلی سے جاری حکم میں کہا گیا ہے کہ نئی تعیناتیاں فوری اثر سے نافذ ہوں گی اور اگلے احکامات تک جاری رہیں گی۔
وزارتِ داخلہ نے مزید ہدایت دی ہے کہ تینوں افسران کو حکم جاری ہونے کی تاریخ سے۱۵ روز کے اندر اپنی موجودہ تعیناتی سے ریلیو کردیا جائے۔
حکم کی اطلاع متعلقہ افسران کو چیف سیکریٹری جموں و کشمیر کے ذریعے دی گئی ہے، جبکہ اس کی نقول جموں و کشمیر، اروناچل پردیش، دہلی، میزورم، پڈوچیری اور دیگر اے جی ایم یو ٹی کیڈر انتظامیہ کے چیف سیکریٹریز سمیت متعلقہ حکام کو بھی ارسال کی گئی ہیں۔
۔۔۔۔ایجنسیاں
