سرینگر؍۲۹؍اگست
سرینگر کے منور آباد علاقے میں ایک رکشہ کی ٹکر سے چلتی بس سے گرنے کے بعد۶۰ سالہ کنڈکٹر جاں بحق ہوگیا۔
حکام کے مطابق کنڈکٹر بس کے دروازے پر کھڑا تھا کہ اسی دوران ایک آٹو رکشہ نے اچانک بس کو ٹکر مار دی، جس کے نتیجے میں وہ توازن کھو بیٹھا اور سڑک پر گر گیا۔ حادثے میں اسے سر پر شدید چوٹیں آئیں۔
اسے فوری طور پر ایس ایم ایچ ایس اسپتال منتقل کیا گیا، جہاں بعد میں وہ زخموں کی تاب نہ لاتے ہوئے دم توڑ گیا۔
متوفی کی شناخت نوابازار، سرینگر کے رہائشی عبدالمجید تیلی(۶۰) ولد غلام محمد تیلی کے طور پر ہوئی ہے۔
پولیس نے واقعے کی تحقیقات شروع کردی ہیں اور مزید تفتیش جاری ہے۔
۔۔۔۔۔۔۔
