رادھا کرشنن کل تین روزہ دورے پر تمل ناڈو، کرناٹک، کیرالہ اور لکشدویپ جائیں گے

نئی دہلی، 29 اگست (یو این آئی) نائب صدر جمہوریہ سی پی رادھا کرشنن تمل ناڈو، کرناٹک، کیرالہ اور لکشدویپ کے تین روزہ دورے پر ہفتہ کو روانہ ہوں گے۔ نائب صدر جمہوریہ کے سکریٹریٹ نے جمعہ کو بتایا کہ مسٹر رادھا کرشنن اس دوران تعلیم، عوامی خدمت، ثقافتی ورثہ، صنعت-تعلیمی تعاون، ماہی گیری سے متعلق آؤٹ ریچ اور عوامی تقاریب سے جڑے پروگراموں میں شرکت کریں گے۔ وہ ہفتہ کو ایراوڈ میں کانگو ویلالر انسٹی ٹیوٹ آف ٹیکنالوجی ٹرسٹ کی تاسیسی تقریب اور بنگلورو میں ودھان سودھا میں کرناٹک کے سابق وزیراعلیٰ رام کرشنا ہیگڑے کی صد سالہ تقریب میں شرکت کریں گے۔ اتوار کو وہ الپوزا میں کیرالہ کومودی کی 115ویں سالگرہ کی تقریب میں شامل ہوں گے، پٹھانم تھیٹا میں آرن مُولا واٹر فیسٹیول 2026 کا افتتاح کریں گے اور تروواننت پورم میں اونم پیجنٹری کا افتتاح کریں گے۔ نائب صدر جمہوریہ پیر کو لکشدویپ کے اگاتی میں ماہی گیری، مویشی پروری اور ڈیری کی وزارت کے ذریعہ منعقدہ ایک آؤٹ ریچ پروگرام میں شرکت کریں گے۔ اس کے بعد کیرالہ لوٹ کر کوچی میں راجاگیری اسکول آف انجینئرنگ اینڈ ٹیکنالوجی کی سلور جوبلی تقریب اور کانفلوئنس 3.0 انڈسٹری-اکیڈمک سمٹ میں شرکت کریں گے۔