شمالی خطے نے مغربی خطے کو 187 رنز پر سمیٹ کر 64 رنز کی برتری حاصل کرلی

بنگلورو، 24 اگست (یو این آئی) عابد مشتاق (5 وکٹیں) اور ارشدیپ سنگھ (3 وکٹیں) کی شاندار گیند بازی کی بدولت شمالی خطے نے دلیپ ٹرافی کے کوارٹر فائنل مقابلے میں مغربی خطے کو 187 رنز پر سمیٹ کر 64 رنز کی اہم برتری حاصل کرلی ہے۔ مغربی خطے نے 2 وکٹ پر 31 رنز سے آگے کھیلنا شروع کیا۔
آج صبح کے سیشن میں عابد مشتاق نے شیوالک شرما (22) کو ایل بی ڈبلیو آؤٹ کرکے مغربی خطے کو تیسری کامیابی دلائی۔ کپتان رتوراج گائیکواڑ (5) کو بھی مشتاق نے آؤٹ کیا۔ اسی اوور میں انہوں نے اروِل پٹیل (صفر) کو بھی اپنا شکار بنا لیا۔ اس کے بعد شمس ملانی نے مشیر خان کے ساتھ اننگز کو سنبھالنے کی کوشش کی۔ 49ویں اوور میں ارشدیپ سنگھ نے مشیر خان (31) کو آؤٹ کیا۔ اس کے بعد شمس ملانی (51) کو انشول کمبوج نے ایل بی ڈبلیو آؤٹ کرکے پویلین بھیج دیا۔ تنوش کوٹیان (13)، شاردل ٹھاکر (10) رنز بنا کر آؤٹ ہوئے۔ 66ویں اوور میں عابد مشتاق نے تشار دیش پانڈے (18) کو آؤٹ کرکے مغربی خطے کی اننگز 187 رنز کے اسکور پر سمیٹ دی۔
اسی کے ساتھ شمالی خطے نے 64 رنز کی اہم برتری حاصل کرلی ہے