وکست بھارت کے عزم کو شرمندہ تعبیر کرنے کے لیے نئی لگن کے ساتھ آگے بڑھنے کی تحریک دیتا ہے یومِ آزادی: نبین

نئی دہلی، 15 اگست (یو این آئی) بھارتیہ جنتا پارٹی (بی جے پی) کے صدر نیتن نبین نے یومِ آزادی کو امر راشٹریہ چیتنا کی علامت اور وکست بھارت  کے عزم کو شرمندہ تعبیر کرنے کے لیے نئی لگن کے ساتھ آگے بڑھنے کی تحریک دینے والا تہوار بتایا ہے۔
مسٹر نبین نے 80 ویں یومِ آزادی کے موقع پر ہفتے کے روز پارٹی ہیڈکوارٹر میں پرچم کشائی کی اور ملک کی آزادی کی خاطر جان قربان کرنے والے بہادر سپوتوں کو نمن کیا۔ پرچم کشائی سے پہلے یہاں قومی گیت ‘وندے ماترم گایا گیا اور اس کے بعد قومی ترانہ ہوا۔ مسٹر نوین نے اس موقع پر کہا، "80 ویں یومِ آزادی پر میں تمام اہل وطن، بی جے پی خاندان کے اراکین اور یہاں موجود پارٹی کے حامیوں کے ساتھ تمام اراکین کو تہہ دل سے مبارکباد اور نیک خواہشات پیش کرتا ہوں۔”
انہوں نے کہا کہ یومِ آزادی ہندوستان کے اس امر راشٹریہ چیتنا کی علامت ہے، جس نے بے شمار قربانیوں، انتھک جدوجہد اور اٹل عزم کے ذریعے آزادی کی سنہری صبح دیکھی۔
مسٹر نبین نے سوشل میڈیا پلیٹ فارم ایکس پر لکھا، "آج نئی دہلی میں بی جے پی ہیڈکوارٹر میں 80 ویں یومِ آزادی کے موقع پر قومی پرچم لہرایا گیا اور بھارت ماتا کے بہادر سپوتوں کی امر قربانیوں کو عقیدت کے ساتھ یاد کیا گیا۔ آزادی کا یہ تہوار ہمیں ملک کی وحدت، سالمیت اور خودمختاری کے تئیں ہماری عہد بستگی کو مزید مضبوط کرنے اور وزیر اعظم مسٹر نریندر مودی کی قیادت میں وکست بھارت  کے عزم کو شرمندہ تعبیر کرنے کے لیے نئی لگن کے ساتھ آگے بڑھنے کی تحریک دیتا ہے۔”
انہوں نے ایکس پر ایک اور پوسٹ میں کہا، "یہ دن نہ صرف ہمیں ہماری شاندار تاریخ کی یاد دلاتا ہے، بلکہ ملک کے تئیں ہمارے فرائض کا احساس بھی کراتا ہے۔ آئیے، اپنے مجاہدینِ آزادی کے آدرشوں سے تحریک لیتے ہوئے، ملک مقدم کے جذبے کے ساتھ ایک مضبوط، خوشحال اور ترقی یافتہ ہندوستان بنانے میں اپنا پورا تعاون دینے کا عزم کریں۔”