ملک کے تئیں اپنے عزم کو دہرانے کا دن ہے آزادی کا جشن: ریکھا گپتا

نئی دہلی، 12 اگست (یو این آئی) دہلی کی وزیرِ اعلیٰ ریکھا گپتا نے بدھ کے روز کہا کہ 15 اگست صرف آزادی کا جشن نہیں بلکہ ملک کی قربانیوں کو یاد کرنے، ہندستان کی کامیابیوں پر فخر کرنے اور قوم کے لیے اپنے عزم کو دہرانے کا دن ہے۔
محترمہ گپتا نے یہاں منعقدہ ‘ہر گھر ترنگا’ مہم کے دوران کہا کہ 15 اگست صرف آزادی کا جشن نہیں، بلکہ ملک کی قربانیوں کو یاد کرنے، ہندستان کی کامیابیوں پر فخر کرنے اور قوم کے لیے اپنے عزم کو دہرانے کا دن ہے۔ انہوں نے کہا کہ آزادی کے بعد ہندستان نے ترقی، سائنس، ٹیکنالوجی، معیشت، تعلیم اور بنیادی ڈھانچے سمیت مختلف شعبوں میں نمایاں پیش رفت کی ہے۔
وزیرِ اعلیٰ نے دہلی کے شہریوں سے ‘ہر گھر ترنگا’ مہم سے جڑنے، اپنے گھروں پر ترنگا لہرانے اور یومِ آزادی کو پورے جوش و خروش کے ساتھ منانے کی اپیل کی۔ انہوں نے کہا کہ ہر گھر پر ترنگا اور ہر دل میں قومی فخر کا احساس ہندستان کی اتحاد، سالمیت اور قومی وقار کا پیغام دنیا تک پہنچائے گا۔
دارالحکومت میں بدھ کے روز انڈیا گیٹ سے ترنگا یاترا نکالی گئی۔ بی جے پی کے قومی صدر نتن نبین اور دہلی کے ریاستی صدر ہرش ملہوترا کی موجودگی میں وزیرِ اعلیٰ ریکھا گپتا نے یاترا میں شرکت کی۔ ‘وندے ماترم’ کے نعروں اور ہاتھوں میں لہراتے ترنگوں کے درمیان نکلنے والی اس یاترا میں بڑی تعداد میں اسکول اور کالج کے طلباء، این سی سی کیڈٹس، این ایس ایس رضاکاروں اور عام شہریوں نے حصہ لیا۔