ایجنسیاں
سرینگر؍۴ جولائی
پاکستان کے زیر قبضہ کشمیر (پی او کے) سے تعلق رکھنے والے۲۲ سالہ ایک نوجوان، جو اُوڑی سیکٹر سے بھارتی حدود میں داخل ہو گیا تھا، کو تمام قانونی کارروائیاں مکمل ہونے کے بعد ہفتہ کے روز اُوڑی کے کمان پوسٹ پر پاکستانی حکام کے حوالے کر دیا گیا۔
سرکاری ذرائع نے بتایا کہ زیشان احمد میر ولد ساکن پینکڑی گاؤں، پاکستان کے زیر قبضہ کشمیر کو بھارتی فوج نے۳۰ مئی کی شام اُوڑی کے ہاجی پیر سیکٹر میں بھارتی حدود میں داخل ہونے کے بعد حراست میں لیا تھا۔
بعد ازاں نوجوان کو مزید پوچھ گچھ کے لیے پولیس کے حوالے کیا گیا۔
حکام کے مطابق تمام ضروری قانونی اور انتظامی کارروائیاں مکمل کرنے کے بعد پاکستانی حکام سے رابطہ قائم کیا گیا، جس کے بعد ضلع بارہمولہ کے اُوڑی میں واقع کمان پوسٹ سرحدی کراسنگ پر نوجوان کو باضابطہ طور پر پاکستان کے حوالے کر دیا گیا۔
