دبئی، یکم جولائی (یواین آئی) انٹرنیشنل کرکٹ کونسل (آئی سی سی) کی جانب سے جاری کردہ تازہ ترین ٹی-20 رینکنگ میں ہندوستان کے وکٹ کیپر بلے باز ایشان کشن اپنے ہم وطن ساتھی ابھیشیک شرما کو پیچھے چھوڑتے ہوئے دنیا کے نمبر ون ٹی-20 بلے باز بن گئے ہیں۔اس نئی درجہ بندی کے بعد اب دونوں ہندوستانی بلے بازوں کے درمیان محض 7 ریٹنگ پوائنٹس کا معمولی فرق رہ گیا ہے۔ اس تاریخی کامیابی کے ساتھ ہی ایشان کشن، ویراٹ کوہلی، سوریا کمار یادو اور ابھیشیک شرما کے بعد ٹی-20 انٹرنیشنل کرکٹ میں دنیا کے نمبر ون بلے باز بننے والے چوتھے ہندوستانی مرد کرکٹر بن گئے ہیں۔
ایشان کشن نے حال ہی میں ختم ہونے والے ٹی-20 ورلڈ کپ 2026 میں شاندار کارکردگی کا مظاہرہ کرتے ہوئے تقریباً 200 کے طوفانی اسٹرائیک ریٹ سے 317 رنز بنائے تھے، جس کا صلہ انہیں اس رینکنگ کی صورت میں ملا ہے۔
ہندوستان کے خلاف حالیہ سیریز میں تاریخی جیت درج کرنے والی آئرلینڈ کی ٹیم کو بھی اس رینکنگ میں زبردست فائدہ ہوا ہے:لورکن ٹکرچار درجے ترقی کے ساتھ مشترکہ طور پر 77 ویں نمبر پر آ گئے ہیں۔
راس اڈیئر چھ مقامات کی چھلانگ لگا کر 84 ویں نمبر پر پہنچ گئے ہیں۔ سیریز میں 4 وکٹیں لینے والے آئرش بائیں ہاتھ کے تیز گیند باز اپنے کیریئر کی بہترین 25 ویں رینکنگ پر پہنچ گئے ہیں۔
ہندوستانی آل راؤنڈر شیوم دوبے بھی تین درجے بہتری کے ساتھ آل راؤنڈرز کی فہرست میں ساتویں نمبر پر آ گئے ہیں۔ٹیسٹ کرکٹ کی دنیا میں کے جارح مزاج بلے باز ٹریوس ہیڈ اپنے کیریئر میں پہلی بار دنیا کے نمبر ون ٹیسٹ بلے باز بن گئے ہیں۔ انگلینڈ اور نیوزی لینڈ کے درمیان ٹیسٹ میچ کے بعد ہیری بروک دوسرے اور جو روٹ تیسرے نمبر پر چلے گئے ہیں۔ نیوزی لینڈ کی جانب سے رچن رویندر (ساتویں)، ڈیرل مچل (گیارہویں) اور ڈیوون کونوے پندرہویں نمبر پر پہنچ گئے ہیں۔ ٹیسٹ بولنگ رینکنگ میں ہندوستان کے اسٹار اسپیڈ اسٹار جسپریت بمراہ نے ایک بار پھر دنیا کے نمبر ون ٹیسٹ بولر کا تاج اپنے سر سجا لیا ہے۔ انہوں نے نیوزی لینڈ کے تیز گیند باز میٹ ہینری کو دوسرے نمبر پر دھکیل دیا۔ حال ہی میں بین الاقوامی کرکٹ سے ریٹائرمنٹ کا اعلان کرنے والے انگلینڈ کے کپتان بین اسٹوکس ٹیسٹ آل راؤنڈرز کی فہرست میں تیسرے نمبر پر پہنچ کر اپنے شاندار کیریئر کا اختتام کرنے میں کامیاب رہے۔
بھی بڑے الٹ پھیر دیکھنے کو ملے ہیں۔ آسٹریلیا
