مودی کل مغربی بنگال جائیں گے، یوگا ڈے کے ساتھ ساتھ مغربی بنگال دیوَس میں بھی ہوں گے شامل

نئی دہلی 19 جون (یو این آئی) وزیر اعظم نریندر مودی ہفتہ کو مغربی بنگال کے دو روزہ دورے پر جائیں گے جہاں وہ مغربی بنگال دیوَس کے ساتھ ساتھ یوگا ڈے کی تقریب میں بھی شامل ہوں گے مسٹرمودی پی ایم کسان سمان ندھی (پی ایم-کسان) کی 23 ویں قسط کے تحت ملک بھر کے 9.44 کروڑ سے زیادہ کسانوں کے بینک کھاتوں میں براہ راست 18,880 کروڑ سے زیادہ کی رقم منتقل کرنے کے پروگرام میں شامل ہوں گے وہ مغربی بنگال میں متعدد ترقیاتی منصوبوں کا افتتاح، قوم کو وقف اور سنگ بنیاد رکھیں گے۔ وزیر اعظم کے دفتر نے جمعہ کو بتایا کہ مودی کل قریب پونے چار بجے ہوگلی ضلع کے تارکیشور میں پچھم بنگ دیوس تقریب میں شرکت کریں گے۔ وہ مغربی بنگال میں متعدد ترقیاتی منصوبوں کا افتتاح، قوم کو وقف اور سنگ بنیاد رکھیں گے۔ اس موقع پر وہ عوامی میٹنگ کو بھی خطاب کریں گے۔
اتوار کو وزیر اعظم صبح ساڑھے چھ بجے کولکتہ میں 12 ویں بین الاقوامی یوگا ڈے تقریب میں شرکت کریں گے۔ اس موقع پر وہ عوامی ریلی سے بھی خطاب کریں گے۔ اس کے بعد وزیر اعظم شیاما پرساد مکھرجی بندرگاہ، کولکتہ میں ملک میں ہی تیار کردہ تین بحری جہازوں آئی این ایس دوناگری، آئی این ایس سنشودھک اور آئی این ایس اگرئے کو بحریہ میں شامل کریں گے۔ اس موقع پر وہ عوامی ریلی سے بھی خطاب کریں گے۔
اس سال کے پچھم بنگ دیوَس کا موضوع "مغربی بنگال: وراثت، ہم آہنگی اور ترقی” ہے، جو ریاست کی ثقافتی خوشحالی، سماجی یکجہتی اور ترقی سے متعلق امنگوں کو ظاہر کرتا ہے۔ پروگرام کے دوران وزیر اعظم متعدد ترقیاتی منصوبوں کا افتتاح، قوم کو وقف اور سنگ بنیاد رکھیں گے۔ ریلوے، زراعت، دیہی ترقی، ماہی پروری اورمویشی پروری کے شعبوں سے متعلق یہ پہلیں بنیادی ڈھانچے کو مضبوط کریں گی، روزگار میں سدھار لائیں گی، کسانوں کی فلاح و بہبود کو فروغ دیں گی اور پوری ریاست میں سماجی و اقتصادی ترقی کو رفتار دیں گی۔
مسٹرمودی پردھان منتری کسان سمان ندھی (پی ایم-کسان) کی 23 ویں قسط جاری کریں گے۔ اس قسط کے تحت ملک بھر کے 9.44 کروڑ سے زیادہ کسانوں کے بینک کھاتوں میں براہ راست 18,880 کروڑ روپے سے زیادہ کی رقم منتقل کی جائے گی۔ صرف مغربی بنگال میں ہی 45 لاکھ سے زیادہ مستفیدین کے کھاتوں میں 900 کروڑ سے زیادہ کی رقم جمع کی جائے گی، جس سے ریاست میں اس اسکیم کے تحت کل تقسیم 15,000 کروڑ سے زیادہ ہو جائے گی۔ سال 2019 میں اسکیم شروع ہونے کے بعد سے ملک بھر میں کل تقسیم 4.46 لاکھ کروڑ سے زیادہ ہو چکی ہے۔ وزیر اعظم مغربی بنگال میں کئی اہم مرکزی زرعی اسکیموں کے نفاذ کی شروعات کریں گے۔ ان میں پی ایم فصل بیما یوجنا، ڈیجیٹل ایگریکلچر مشن کے تحت ایگری اسٹیک، نیشنل نیچرل فارمنگ مشن اور پی ایم دھن-دھانیہ کرشی یوجنا شامل ہیں۔