(ایجنسیاں)
سرینگر؍۲۰جون
ضلع جیل اننت ناگ میں بند ایک زیرِ سماعت قیدی ہفتہ کے روز طبیعت خراب ہونے کے بعد اسپتال میں دم توڑ گیا۔ حکام نے یہ معلومات فراہم کیں۔
متوفی کی شناخت سنیل کمار کے طور پر ہوئی ہے جو جالندھر کے گاندھی کیمپ کا رہائشی تھا اور این ڈی پی ایس (منشیات سے متعلق) ایک مقدمے میں ملزم تھا۔
حکام کے مطابق سنیل کمار نے رات کے دوران طبیعت ناساز ہونے کی شکایت کی تھی۔
انہوں نے بتایا کہ اسے فوری طور پر گورنمنٹ میڈیکل کالج (جی ایم سی) اننت ناگ منتقل کیا گیا، جہاں دورانِ علاج اس کی موت واقع ہوگئی۔
حکام نے کہا کہ واقعے کے سلسلے میں بھارتیہ نیائے سنہتا (بی این ایس ایس) کی دفعہ۱۹۴کے تحت کارروائی شروع کر دی گئی ہے۔انہوں نے مزید بتایا کہ معاملے کی مزید تفصیلات کا انتظار ہے۔
