نئی دہلی، 18 جون (یو این آئی) یوگا کے بین الاقوامی دن 2026 کے موقع پر پارلیمانی امور کی وزارت نے جمعرات کوپارلیمنٹ اینکسی کے مرکزی کمیٹی روم میں یوگا ورکشاپ کا انعقاد کیا۔
لال بہادر شاستری راشٹریہ سنسکرت وشوودیالیہ ، دہلی کے یوگ سائنس کے شعبے کے پروفیسر ڈاکٹر رمیش کمار کی رہنمائی میں یہ یوگ ورکشاپ منعقد کی گئی۔ پارلیمانی امور کی وزارت میں ایڈیشنل سکریٹری ڈاکٹر ستیہ پرکاش نے ورکشاپ کا افتتاح کرتے ہوئے یوگاکے بین الاقوامی دن 2026 کے موقع پر حکومت کی جانب سے منعقد کیے جانے والے مختلف پروگراموں کے ساتھ ساتھ ورکشاپ کے خاکہ کے بارے میں معلومات دی۔
ڈاکٹر رمیش کمار نے وزارت کے افسران اور ملازمین کے لیے یوگا اور پرانایام کا خصوصی سیشن چلایا۔ انہوں نے بتایا کہ دفتری اوقات میں باقاعدہ یوگا کی مشق تناؤ کو کم کرنے اور کام کرنے کی صلاحیت اور پیداواری صلاحیت کو بڑھانے میں مددگار ہوتی ہے۔ یوگ ورکشاپ میں ایڈیشنل سکریٹری ڈاکٹر ستیہ پرکاش، ڈپٹی سکریٹری مسٹر مکیش کمار، ڈپٹی سکریٹری مسٹر ایس ایس پاترا سمیت پارلیمانی امور کی وزارت کے دیگر افسران اور ملازمین نے شرکت کی۔
