(ڈی آئی پی آر )
سرینگر؍۲۹ مئی
کانگریس کے سینئر رہنما سردار سریندر سنگھ چنی نے آج لیفٹیننٹ گورنر منوج سنہا سے ملاقات کی اور ترال کی ترقی اور مقامی نوجوانوں کے لیے روزگار کے مواقع سے متعلق مختلف امور اُن کے سامنے رکھے۔
دریں اثنا، نیشنل بینک فار ایگریکلچر اینڈ رورل ڈیولپمنٹ (نابارڈ) کے ڈپٹی منیجنگ ڈائریکر گووردھن ایس راوت نے بھی آج لیفٹیننٹ گورنر منوج سنہا سے ملاقات کی۔
ایک اور ملاقات میں کشمیر روڈ سیفٹی فاؤنڈیشن (کے آر ایس ایف) کے چیئرمین ناصر علی خان کی قیادت میں ایک وفد نے لیفٹیننٹ گورنر سے ملاقات کی۔
وفد کے ارکان نے لیفٹیننٹ گورنر کو آئندہ منعقد ہونے والے ’’یوتھ اگینسٹ ڈرگز نیشنل اسپورٹس فیسٹیول۲۰۲۶ ‘‘ کے بارے میں تفصیلی جانکاری دی، جس کا مقصد نوجوانوں میں منشیات کے استعمال کے خلاف مہم کو مزید مضبوط بنانا ہے۔
اس اقدام کے تحت ملک کی آٹھ ریاستوں کی ٹیموں کے علاوہ نیپال کی دو ٹیموں کی شرکت متوقع ہے۔ اس قومی سطح کے اسپورٹس فیسٹیول کے ذریعے کھیلوں اور نوجوانوں کی مثبت سرگرمیوں کو فروغ دے کر ایک صحت مند اور منشیات سے پاک معاشرے کا پیغام عام کیا جائے گا۔
