ویب ڈیسک
سرینگر؍۲۶مئی
ڈائریکٹوریٹ آف اسکول ایجوکیشن کشمیر (ڈی ایس ای کے) نے منگل کو عیدالاضحیٰ کی تقریبات کے پیش نظر۲۹مئی۲۰۲۶ کو خصوصی تعطیل کا اعلان کیا ہے۔
ڈائریکٹوریٹ کی جانب سے جاری ایک سرکاری حکم نامے کے مطابق کشمیر ڈویژن کے تمام سرکاری اور تسلیم شدہ نجی تعلیمی ادارے جمعہ۲۹مئی کو عیدالاضحیٰ کے مبارک موقع پر بند رہیں گے۔
۲۶ مئی۲۰۲۶کو جاری کردہ ایک حکم نامے میں کہا گیا ہے کہ یہ فیصلہ مجاز اتھارٹی کی منظوری کے بعد لیا گیا ہے۔
نئے نوٹیفکیشن کے بعد اب کشمیر ڈویژن میں اسکولوں میں۲۷مئی سے۲۹مئی۲۰۲۶تک تین روزہ عیدالاضحیٰ تعطیلات ہوں گی۔
دریں اثناعیدالاضحیٰ کی تقریبات کے پیش نظر ڈائریکٹوریٹ آف اسکول ایجوکیشن جموں نے جمعہ۲۹مئی کو خصوصی تعطیل کا اعلان کیا ہے۔
اس سلسلے میں جاری حکم نامے کے مطابق جموں ڈویژن کے تمام سرکاری اور تسلیم شدہ نجی اسکول مذکورہ تاریخ کو بند رہیں گے۔
