ایجنسیز
سرینگر؍۱۵مئی
جموں و کشمیر کابینہ، جس کی صدارت وزیر اعلیٰ عمر عبداللہ نے کی، نے جمعہ کو سرینگر کے لیے۹۳کروڑ روپے مالیت کے بجلی بنیادی ڈھانچے کے منصوبوں کی منظوری دے دی۔
سرکاری ترجمان کے مطابق ان منصوبوں کا مقصد شہر میں بجلی ترسیلی صلاحیت کو بہتر بنانا، بجلی کی بندش میں کمی لانا اور صارفین کو زیادہ مستحکم و مؤثر بجلی سپلائی فراہم کرنا ہے۔
ترجمان نے بتایا کہ کابینہ نے زیناکوٹ گرڈ سب اسٹیشن کی استعداد۴۵۰؍ ایم وی اے سے بڑھا کر۷۸۰؍ایم وی اے کرنے کی منظوری دی، جس پر۶۷ء۶۶کروڑ روپے لاگت آئے گی۔
ترجمان نے کہا کہ کابینہ نے۱۳۲ کے وی پامپور،راولپورہ اور راولپورہ-بمنہ ٹرانسمیشن لائنوں کی اپ گریڈیشن کی بھی منظوری دی، جس پر۲۵ء۴۷کروڑ روپے خرچ کیے جائیں گے۔
یہ منظوری کونسل آف منسٹرز کے چھٹے اجلاس کے دوران دی گئی۔
ترجمان کے مطابق ان منصوبوں سے سرینگر اور اس سے ملحقہ علاقوں میں بجلی کے نظام کو نمایاں طور پر مضبوط بنانے میں مدد ملے گی، جبکہ بجلی کی طلب میں اضافے خصوصاً زیادہ لوڈ کے اوقات میں گرڈ کے استحکام کو بہتر بنایا جا سکے گا۔
