دو منشیات فروشوں کی۵۵لاکھ روپے مالیت کی جائیدادیں ضبط

جموں؍۲۱؍اپریل
جموں کشمیر پولیس نے منگل کے روز منشیات کے خلاف جاری کریک ڈاؤن کے تحت بارہمولہ اور اننت ناگ اضلاع سے تعلق رکھنے والے دو مبینہ منشیات فروشوں کی۵۵لاکھ روپے سے زائد مالیت کی جائیدادیں ضبط کر لی ہیں، حکام نے بتایا۔
پولیس نے بارہمولہ میں ایک منشیات اسمگلر کی۴۵ لاکھ روپے مالیت کی غیر منقولہ جائیداد ضبط کی، جبکہ اننت ناگ کے ایک منشیات فروش کی۱۰لاکھ روپے مالیت کی منقولہ جائیداد بھی ضبط کی گئی، جو ادھمپور ضلع میں ان کی سرگرمیوں سے متعلق تھی۔
یہ کارروائی ادھمپور پولیس نے جاری’نشہ مکت جموں و کشمیر ابھیان‘ کے تحت انجام دی، جس میں مبینہ طور پر منشیات کے غیر قانونی کاروبار سے حاصل شدہ اثاثوں کو نشانہ بنایا جا رہا ہے۔
پہلے معاملے میں پولیس نے محمد رستم شاہ ولد ہمدانیہ کالونی، ضلع بارہمولہ کے رہائشی کی۴۵لاکھ روپے مالیت کی منقولہ اور غیر منقولہ جائیداد ضبط کی، حکام نے بتایا۔
تحقیقات کے دوران یہ بات سامنے آئی کہ ملزم نے منشیات کی اسمگلنگ سے حاصل ہونے والی رقم سے ایک رہائشی مکان، جو اس کی بیوی کے نام پر رجسٹرڈ ہے، اور ایک گاڑی خریدی تھی، انہوں نے کہا۔ مزید قانونی کارروائی کے لیے جائیداد ضبط کر لی گئی ہے۔
ایک علیحدہ معاملے میں پولیس نے شہباز گلزار خان، ساکن دیوی پورہ، ضلع اننت ناگ کی۱۰لاکھ روپے مالیت کی منقولہ جائیداد ضبط کی، حکام نے بتایا۔
ضبط شدہ جائیداد میں ایک بیلینو سگما ٹیکسی کار شامل ہے، جس کے بارے میں تفتیش کاروں نے پایا کہ یہ منشیات فروشی سے حاصل شدہ رقم سے خریدی گئی تھی، انہوں نے کہا۔
یہ ضبطی کارروائی این ڈی پی ایس ایکٹ کی متعلقہ دفعات کے تحت رہمبل اور چنینی تھانوں میں درج ایف آئی آرز کے سلسلے میں عمل میں لائی گئی، انہوں نے بتایا۔
حکام کے مطابق، ان تازہ ضبطیوں کے ساتھ ادھمپور پولیس اب تک منشیات مخالف مہم کے تحت۸۰لاکھ روپے مالیت کی جائیدادیں ضبط کر چکی ہے۔ایجنسیز