ایجنسیز
نئی دہلی؍۱۰؍اپریل
وزارتِ ریلوے نے جموں و کشمیر میں ریاسی سے پونچھ کے درمیان مجوزہ ریلوے لائن کے لیے فائنل لوکیشن سروے کی منظوری دے دی ہے، حکام نے بتایا۔
ریلوے بورڈ کی جانب سے۸؍ اپریل کو جاری ایک سرکاری مراسلے کے مطابق، ناردرن ریلوے کو۱۹۰ کلومیٹر طویل اس منصوبے کے لیے سروے کرنے کی اجازت دے دی گئی ہے۔
دستاویز کے مطابق، سروے کی لاگت۲۶ء۴۱ کروڑ روپے مقرر کی گئی ہے۔
مجوزہ ریاسی،پونچھ ریلوے رابطہ سرحدی اضلاع میں رابطہ بہتر بنانے اور لائن آف کنٹرول (ایل او سی) کے ساتھ واقع دور دراز علاقوں تک رسائی میں بہتری لانے میں مددگار ثابت ہوگا۔
حکام کا کہنا ہے کہ سروے پر آنے والے اخراجات ریلوے کے پالیسی سازی، تحقیق اور دیگر متفرق کاموں کے مد میں پورے کیے جائیں گے۔
انہوں نے مزید کہا کہ یہ سروے مجوزہ ریلوے لائن کی فزیبلٹی اور الائنمنٹ کا جائزہ لے گا، جسے خطے میں ریلوے انفراسٹرکچر کی توسیع کی جانب ایک اہم قدم تصور کیا جا رہا ہے۔
