ایئرٹیل کے صارفین کی تعداد 65 کروڑ سے تجاوز

نئی دہلی، 2 اپریل (یو این آئی) ہندوستان کی معروف ٹیلی کام سروس فراہم کنندہ کمپنی بھارتی ایئرٹیل کے صارفین کی تعداد کروڑ تک پہنچ گئی ہے۔
ایئرٹیل نے جمعرات کے روز ایک پریس ریلیز میں جی ایس ایم اے کے اعداد و شمار کا حوالہ دیتے ہوئے کہا کہ یہ موبائل صارفین کے لحاظ سے دنیا کا دوسرا سب سے بڑا ٹیلی کام آپریٹر ہے، جو ہندوستان اور دیگر افریقی ممالک میں خدمات فراہم کرتا ہے۔ اس کے 14 افریقی ممالک میں 179 ملین صارفین ہیں۔
ایئرٹیل کے ایگزیکٹو نائب صدر گوپال وٹل نے کہا کہ عالمی سطح پر 65 کروڑ صارفین تک پہنچنا کمپنی کے لیے اہم ذمہ داری کا موجب ہے کہ وہ ہر روز اپنے صارفین کی بہتر خدمت کرے۔
انہوں نے کہا کہ کمپنی جدید ترین ٹیکنالوجیز میں سرمایہ کاری کرتی ہے تاکہ نہ صرف کنیکٹیویٹی بلکہ محفوظ نیٹ ورک بھی فراہم کیا جا سکے۔ اس کا مقصد اپنی موجودگی کو بڑھانا اور جدت، اعتبار اور تجربے کے دائرے کو وسیع کرنا ہے۔
موبائل سبسکرائبر بیس کے لحاظ سے دوسرے سب سے بڑے ٹیلی کام آپریٹر کے طور پر ایئرٹیل کی درجہ بندی عالمی سطح پر اس کی مسلسل بہتری کی عکاسی کرتی ہے۔
ایئرٹیل کے ملک میں 36.8 کروڑ سے زیادہ صارفین ہیں۔ اب یہ 1.3 کروڑ سے زیادہ گھروں کو تیز رفتار انٹرنیٹ خدمات اور 1.5 کروڑ سے زیادہ صارفین کو ڈیجیٹل ٹی وی خدمات فراہم کرتا ہے۔