کورونا وائر س کے گھٹتے کیس :جموں کشمیر میں ۱۲ نئے معاملات درج

سرینگر/۱۷مارچ
جموں کشمیر میںگزشتہ ۲۴ گھنٹوںکے دوران کورونا وائرس کے۱۲نئے مثبت معاملات سامنے آئے ہیں۔
اس مدت کے دوران دونوں صوبوں میں کورونا وائر س سے کوئی نئی موت درج نہیں ہو ئی ہے ۔
ایک سرکاری بیان میں کہا گیا ہے کہ مجموعی ۱۲مثبت معاملات میں سے ۶ کا کشمیر اور ۶ کاتعلق جموں صوبے سے ہے ۔
اِس طرح مثبت معاملات کی کل تعداد۴لاکھ۵۳ہزار۵۰۵تک پہنچ گئی ہے۔جن میں سے۱۵۶(صوبہ جموں میں۵۰؍ اور کشمیر صوبے میں۱۰۶)سر گرم معاملات ہیں۔اَب تک۴لاکھ۴۸ہزار۵۹۹اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۴،ضلع بڈگام میںایک اور ضلع اسلام آباد میں بھی ایک نیا معاملہ درج ہوا ہے۔بارہمولہ،پلوامہ ، کپواڑہ ،بانڈی پورہ ،گاندربل ،کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں۳‘ ضلع ڈوڈہ میں ۲؍اور ضلع کشتواڑ میںایک نیا معاملہ سامنے آئے ہیں ۔اودھمپور ،راجوری ،کٹھوعہ ،سانبہ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۱۹؍اَفراد شفایاب ہوئے ہیںجن میںجموںکے۱۳؍افراداور کشمیر کے۶؍افرادشامل ہیں۔