بارہمولہ میں جنگجو اعانت کار گرفتاری :پولیس

سرینگر/۱۷مارچ
شمالی ضلع بارہمولہ کے کرہامہ کنزر علاقے میں سیکورٹی فورسز نے جنگجو معاون کو اسلحہ وگولہ بارود سمیت حراست میں لینے کا دعویٰ کیا ہے ۔
پولیس کے ایک ترجمان نے بتایا کہ بارہمولہ کے کرہامہ کنزر علاقے میں مشتبہ افراد کی نقل وحرکت کی اطلاع موصول ہونے کے بعد ۲آر آر‘۱۷۶ویںبٹالین سی آر پی ایف اور پولیس نے جمعرات کے روز جنگجو مخالف آپریشن شروع کیا جس دوران لشکر طیبہ (ٹی آر ایف ) سے وابستہ ایک جنگجو کو گرفتار کیا گیا۔
ترجمان نے جنگجو اعانت کار کی شناخت وسیم احمد وار ولد محمد اسماعیل وار ساکن کرہامہ کنزر کے بطور کی ہے ۔
پولیس ترجمان نے بتایا کہ گرفتار اعانت کار کے قبضے سے ایک گرینیڈ ‘۲؍اے کے میگزین اور ۲۰گولیوں کے راونڈ برآمد کرکے ضبط کئے گئے ۔پولیس نے اس ضمن میں پولیس تھانہ کنزر میں کیس درج کرکے مزید تحقیقات شروع کی ہے ۔